十二味 (青衣城2)

營業中

休息中

青衣城自從開左二期之後，好似成個美食廣場咁，好多出色嘅餐廳。終於有機會食十二味酸菜魚，之前朋友介紹過話好正中，我呢啲食開大辣嘅一定鍾意，但都聽過有人話貴，叫我食其他，我決定親自試吓，信自己！ 由於禁堂食，我今日係叫外賣返屋企加餸，天氣凍凍地，我揀左招牌嘅經典香辣鍋，大辣 加麻!! 而配菜方面由於一定要至少揀5個餸，我揀左牛舌 、雞軟骨 、豆皮 、雲耳 、蓮藕。等左一陣就攞得，一拎上手我呆左一呆，原來咁重咁大盒，我諗5個人都夠食，拎到返屋企打開仲熱辣辣岀煙，香味擁出嚟。 呢個香辣鍋我認為配白飯一流，所有配料都好入味，牛舌好腍，蓮藕就脆卜卜，好有口感，而豆皮，雲耳呢d 就同岀面食到嘅差唔多，不過最雞軟骨嘅呢個煮法就比較少la, 推介大家試下！ 總括嚟講青衣十二味係性價比高嘅，我會再來！