澳門咖喱王新鮮腩

營業中

休息中

夜晚同朋友喺佐敦搵嘢食，見到呢間澳門咖喱王新鮮腩睇落好似唔錯，就入咗去食。我哋叫咗幾個店員推介嘅招牌菜。首先係川醬乾炒牛河，因為怕太辣，所以我地嗌咗BB辣。河粉嘅份量都幾多，辣醬香口得黎唔會太辣，牛肉都好林好好食。另外嗌咗清湯牛腩飯，啲牛腩超級林，有種入口即溶嘅感覺，但係牛腩嘅份量唔算好多，食咗幾舊就發現原來下面全部都係蘿蔔。成餐飯最好食嘅就係招牌清湯雪花牛頸脊河粉。湯底好清甜，河粉又夠薄，啲牛頸脊非常嫩滑，有好香牛肉味。雖然價錢有少少貴，但係個人認為物超所值。另外店員仲推介我哋飲佢地嘅番茄湯，上枱嘅時候覺得冇乜特別，但係飲落有好香嘅蕃茄味，而且價錢唔算太貴，如果鍾意蕃茄嘅話建議可以試下。