BB雞蛋仔 (已結業)

上環有唔少特色小店，有次我同好友去搵食，行到一間叫“BB雞蛋仔”嘅店仔，顧名思義就係食雞蛋仔啦，但呢度唔單只可以食到傳統雞蛋仔，仲可以一嘗新式食法：雪糕溝雞蛋仔。我同好友一齊買咗個半底雞蛋仔雙球雪糕杯share，雞蛋仔係普通原味，淋咗少少朱古力醬，雪糕就要珍珠奶茶加呍呢嗱。由於係即叫即做，所以要等。等食其間，我地環顧四周，店面真係好細，相信都係預你買完拎走慢慢食，但店內仍然擺放咗兩三張櫈，應該係俾有需要人士坐低等。等咗一陣終於有得食啦！熱呼呼嘅雞蛋仔加上凍冰冰嘅雪糕，口感過癮。珍珠奶茶味雪糕幾特別，真係會附送原粒珍珠，幾好咬口。一杯兩人食份量剛剛好，下次要捉埋朋友試下其他味！