影片
更多
2022-04-01
734 瀏覽
🐭 米奇老豬Vol. 175 🐷［理想餅店 Lily’s Bakery］@lily_sbakery 次次去親我嘅愛店窩子（詳細食評可以睇番Vol 154-156）都一定會行入呢間麵包店睇下 🍞因為有好多幾特別嘅韓/台/港式麵包同埋聽講d曲奇酥餅好出名 （利申🤪：無食過，食過嘅朋友可唔可以揮手？）店鋪麻雀雖小 除左麵包櫃同蛋糕櫃之外連個工場都有埋 感覺好似特別新鮮😆.🐖🐖《朱古力花生麻糬蛋卷》🐖🐖💰$66💰作為蛋糕控、花生醬控、麻糬控見到呢個卷蛋真係心心眼 😍 即刻order本身以為佢會喺個蛋糕櫃拎點知佢去左個工場急凍櫃攞心諗：莫非中伏？ 個蛋糕同麻糬一定硬骨骨啦 🤮店員話要存放喺冰格食之前2分鐘拎出來解凍雖然心入面有十萬個為什麼 🤯但抱著試伏嘅心態都照跟點知超驚喜❤️🔥.➡️ 份量一條卷蛋大概可以切到5片或者想厚d就可以4片 🍰🍰🍰🍰平均每舊卷蛋都只係$15左右比起IG 絕大部分 bakery都平一大截 🤑.➡️ 朱古力蛋糕未解凍就切嘅時候覺得個蛋糕好似好死實咁但等左5分鐘左右 個蛋糕食落又覺得幾濕潤 幾綿密 🐑當然唔會好似戚風蛋糕咁回彈啦朱古力味都幾出 🍫如果多d黑朱古力嘅苦味就更好啦～
［理想餅店 Lily’s Bakery］
@lily_sbakery
次次去親我嘅愛店窩子（詳細食評可以睇番Vol 154-156）
都一定會行入呢間麵包店睇下 🍞
因為有好多幾特別嘅韓/台/港式麵包
同埋聽講d曲奇酥餅好出名
（利申🤪：無食過，食過嘅朋友可唔可以揮手？）
店鋪麻雀雖小 除左麵包櫃同蛋糕櫃之外
連個工場都有埋 感覺好似特別新鮮😆
.
🐖🐖《朱古力花生麻糬蛋卷》🐖🐖
💰$66💰
作為蛋糕控、花生醬控、麻糬控
見到呢個卷蛋真係心心眼 😍 即刻order
本身以為佢會喺個蛋糕櫃拎
點知佢去左個工場急凍櫃攞
心諗：莫非中伏？ 個蛋糕同麻糬一定硬骨骨啦 🤮
店員話要存放喺冰格
食之前2分鐘拎出來解凍
雖然心入面有十萬個為什麼 🤯
但抱著試伏嘅心態都照跟
點知超驚喜❤️🔥
.
➡️ 份量
一條卷蛋大概可以切到5片
或者想厚d就可以4片 🍰🍰🍰🍰
平均每舊卷蛋都只係$15左右
比起IG 絕大部分 bakery都平一大截 🤑
.
➡️ 朱古力蛋糕
未解凍就切嘅時候覺得個蛋糕好似好死實咁
但等左5分鐘左右
個蛋糕食落又覺得幾濕潤 幾綿密 🐑
當然唔會好似戚風蛋糕咁回彈啦
朱古力味都幾出 🍫
如果多d黑朱古力嘅苦味就更好啦～
.
➡️ 麻糬
麻糬就咁單食嘅話糯米香幾明顯
但成個卷蛋食就會比花生味蓋過左～
但口感竟然喺急凍完再解凍之後仲保持到超煙韌 唔黏口
好神奇 🤩
美中不足係麻糬份量比較少
如果可以多多一倍就完美啦 🤪
.
➡️ 花生忌廉（雪糕？）
唔好睇個cream只係淡啡黃色
聞落同食落嘅花生醬味都幾濃！
（jenjen嘅花生醬cream當然係世一啦）
但呢個忌廉仲有花生粒粒
成個花生香更突出 🥜
最impressive嘅位係個質感係極度極度極度似雪糕🤩🤩
「雪糕卷蛋」老豬真係第一次食
個「雪糕」微溶 包住個煙韌嘅麻糬
配埋個卷蛋皮真係好夾 👍🏻
不過老豬試過放喺普通格 🤭
個忌廉就即刻失色曬
似溶左嘅movenpick雪糕
會有d膩
終於明白店員點解會話要放冰格啦❣️❣️
.
比起jenjen、happyroller、natsbake
可能會相對失色d ～
但呢個真係贏喺個雪糕口感同個價錢度
一條IG卷蛋可以買4條呢個啵😂
買來過下口癮絕對值得有餘！
.
❣️🐭總評分🐷❣️
味道：8.6/10
服務：N/A
環境：N/A
性價比：✴️ 高 ✴️ （而家IG shop大部分卷蛋都要$200+ 呢間嘅定價真係好佛心）
ENCORE：✅
.
📍理想餅店📍
📎 新蒲崗康強街32-34號康強洋樓A座地下7號舖🧷
張貼
