十字冰室 (恆陞大樓)

營業中

休息中

又在附近做嘢！想試呢間十字冰室，可惜幾日都好多人，今日剛好閒日兼落雨，去到都要等10分鐘！入座叫左炒蛋三文治跟紅豆冰。三文治多士烘得啱啱好，炒蛋好滑好味，配上火腿同蕃茄一齊食。一口咬下去，口感豐富得令人滿足紅豆冰紅豆味道濃郁，微甜，相較之下奶味好似略淡，但都幾好味。鐘意飲紅豆冰嘅朋友一定唔可以錯過！餐後又叫左ice cream一客，幾有奶味，又香又滑，但忘記影相。雖然個餐要成五六十元算幾貴，但有兒時嘅回憶，而且好食，都可接受。