影片
更多
2013-11-01
889 瀏覽
我男朋友住紅磡，早排見到呢間新開嘅烏冬已經想食。可惜第一次見到嘅時候已經過咗last order，第二次9點幾落到去佢話賣哂早收舖╯△╰今晚屋企冇飯食我地決定落街食。難得我今日唔駛ot得咁晏￣ω￣就再試下去睇下有冇得食。去到都十點，好彩有得食不過入去嘅時候可能我開同關門都比較細力行路又冇乜聲咁冇人知我地入咗去︶︿︶個侍應見到都即刻衝埋黎帶位，話就黎last order唔介意嘅要一次過叫野食，禮貌尚算唔錯。好嘅係佢又唔會企喺你隔離催你落order。我地兩個人叫咗五樣野O_o -- 炸雞，帆立貝牛油燒，牛舌（西京味噌），海老天婦羅冷烏冬同埋野菜天婦羅熱烏冬。每人一杯飲品 -- 青森縣蘋果汁同蜜柑汁。蘋果汁 （$28） -- 我男朋友飲嘅，好濃，唔似係搵水開嗰啲，好似蘋果蓉咁，又唔酸蜜柑汁 （$32）-- 佢係一支過咁俾你，仲有個冰底。上嘅時候仲幫你開埋斟俾你，一枝分到差唔多兩杯飲。唯一唔好嘅係冇搖均先倒，有啲沈底令開頭嗰啲味道較酸同淡。牛舌 （$90）-- 好入味，始終味噌係比較濃味嘅野，重口味嘅我啱哂，我男朋友唔多食牛舌但係都覺得好。唔厚唔薄，燒出黎又唔韌。帆立貝牛油燒 -- 燒到啱啱
去到都十點，好彩有得食不過入去嘅時候可能我開同關門都比較細力行路又冇乜聲咁冇人知我地入咗去︶︿︶個侍應見到都即刻衝埋黎帶位，話就黎last order唔介意嘅要一次過叫野食，禮貌尚算唔錯。好嘅係佢又唔會企喺你隔離催你落order。
我地兩個人叫咗五樣野O_o -- 炸雞，帆立貝牛油燒，牛舌（西京味噌），海老天婦羅冷烏冬同埋野菜天婦羅熱烏冬。每人一杯飲品 -- 青森縣蘋果汁同蜜柑汁。
蘋果汁 （$28） -- 我男朋友飲嘅，好濃，唔似係搵水開嗰啲，好似蘋果蓉咁，又唔酸
蜜柑汁 （$32）-- 佢係一支過咁俾你，仲有個冰底。上嘅時候仲幫你開埋斟俾你，一枝分到差唔多兩杯飲。唯一唔好嘅係冇搖均先倒，有啲沈底令開頭嗰啲味道較酸同淡。
牛舌 （$90）-- 好入味，始終味噌係比較濃味嘅野，重口味嘅我啱哂，我男朋友唔多食牛舌但係都覺得好。唔厚唔薄，燒出黎又唔韌。
帆立貝牛油燒 -- 燒到啱啱好，牛油味唔重，唔油，我呢啲對海產類麻麻嘅人都覺得好食。
海老天婦羅冷烏冬 （$98）-- 粉漿厚薄適中，咬開唔係炸粉同肉分開，蝦好爽。油份唔多夠乾身，碟底放咗吸油紙都唔見吸到啲咩，食落都熱唔會話因為隔油擺耐咗。烏冬幼身得黎有咬口， 煙 煙韌韌，冷烏冬汁清但唔會冇味，不過日本人注重賣相將個麵捲到好靚放落個兜到，食嘅時候需要少少時間解開佢^_^||
野菜天婦羅湯烏冬 （$90）-- 天婦羅評價同上，分別有青椒（我地兩個都唔食青椒^_^¦¦¦），兩個日本小蕃薯（好甜好香，完全林哂），鮮冬菇（冇臭青味，水份亦夠），同埋茄子（呢個就冇乜特別）。湯好清，喺隻匙羹裡面好似水咁。唔好以為冇味，配落個烏冬啱啱好。不過唔知係我遲食個烏冬定真係煮嘅問題，麵質林咗冇咗個種煙韌嘅口感￣︿￣
炸雞 （$58）-- 味道同出面日式餐廳嘅冇乜分別，不過要讃嘅都係炸物嘅師傳，碟底幾乎冇油，都係好乾身，而且雞件夠脆同滑，唔多肥膏啖啖肉。
食緊嘅途中有檯日本人客人埋單離開，特意同師傳講拜拜，師傳亦親自送佢出門口仲同佢地傾咗陣，感覺好似喺日本咁好地道嘅老闆同客人嘅交流，個客人亦都同師傳講佢好滿意同讃佢啲野好食。臨走個日本師傳仲會用廣東話同你講多謝哂，好得意，俾我聽到佢會就返香港人嘅員工講廣東話，仲會同佢啲侍應講笑添(^ム^)
整體黎講喺紅磡食到算係高水準嘅日本料理好難得，價錢算係中等啦。我見到佢仲有牡丹蝦，可惜我胃有啲痛唔敢食X﹏X，我下次會去試埋其他野 (o^^)oo(^^o)
張貼
