圃公館 (已結業)

勁難得可以星期六放假就同左家人去左圃公館飲茶，雖然圃公館位置較為唔方便但卻而用食物既水準彌補番！圃公館位處於酒店內一樓！一到酒店就被芳香既香精吸引住~已加分了！我地叫左好幾款點心炒飯~樣樣皆精！流沙奶皇包外層鬆軟細緻綿綿，一咬開橙黄色既奶皇餡料湧哂出黎~視覺效果好正！味道更正！又唔會甜到膩！真係必叫之選。蟹籽燒賣又大大粒~熱辣辣又夠哂足料！鮮蝦爽口彈牙~香菇味道甘香！加dd豆瓣醬更加惹味蛋白瑤柱三文魚炒飯份量十足！ 每粒炒飯炒到晶瑩通透粒粒好乾身一啲都唔油膩！加埋啲菜粒香蔥更有咬口~ 三文魚一啲都唔識！！正呀最後叫咗個文房四寶嘅甜品，有食品扮成墨硯，毛筆，紙張嚟做文房四寶！ 呢款甜品唔太甜！ 白糖糕鬆軟好味，黑芝麻醬汁好香！！影相呃like先正呀~