影片
更多
2020-11-22
14 瀏覽
來到佐敦，找找附近有冇串燒店鋪，好耐冇食啦🥺🥺。找到呢間網上口碑都唔錯既小店，即管一試，果然冇令我地失望🤤。串燒店黎講，肉類一定要燒得夠香夠juicy，呢間就做到。羊架配上香草，一上台就一陣香味傳出黎，食慾大增！之後厚切牛舌燒得好好，一d都唔un，香口之餘又夠肉汁，唔錯🤤🤤。牛粒亦ok，配上粗粒黑椒，夠晒野味🤪。講到多汁，不得不提呢隻蜜汁燒雞翼，黎得串燒店，雞翼就係考牌既指標，今日雞翼夠晒多汁👍🏻👍🏻外皮又夠香脆，誠意推介。特別想提既係呢間小店亦有不少肉類配上蔬菜既高質串燒。煙肉包荔枝和腩肉包露荀，呢兩樣串燒應該係有精心配答過，蔬菜既汁中和晒肉類既油脂感，食得十分過癮。芝士大啡菇，上層拉絲芝士面、中層蒜蓉煙肉碎、底層係爆汁大啡菇🤤，又係特色配答之選。蔬菜類方面，叫左燒菠蘿同燒翠肉瓜。燒菠蘿好食相信都唔需要多講，特別一讚既係燒翠肉瓜，呢個一定要叫！！一咬落去，瓜汁就係口中爆發，清新晒成個口腔。如果唔係食到尾聲好飽，都想叫多串。最後，除左串燒之外，仲有不少炸物用黎送酒同朋友吹水一流，炸雞軟骨夠晒大碟，外脆內爽，唔錯。整體來說，呢間係難得一見既串燒小店，口味亦無平常串燒重，食落十分舒適，蔬菜
找到呢間網上口碑都唔錯既小店，即管一試，果然冇令我地失望🤤。
串燒店黎講，肉類一定要燒得夠香夠juicy，呢間就做到。羊架配上香草，一上台就一陣香味傳出黎，食慾大增！之後厚切牛舌燒得好好，一d都唔un，香口之餘又夠肉汁，唔錯🤤🤤。牛粒亦ok，配上粗粒黑椒，夠晒野味🤪。
講到多汁，不得不提呢隻蜜汁燒雞翼，黎得串燒店，雞翼就係考牌既指標，今日雞翼夠晒多汁👍🏻👍🏻外皮又夠香脆，誠意推介。
特別想提既係呢間小店亦有不少肉類配上蔬菜既高質串燒。煙肉包荔枝和腩肉包露荀，呢兩樣串燒應該係有精心配答過，蔬菜既汁中和晒肉類既油脂感，食得十分過癮。
芝士大啡菇，上層拉絲芝士面、中層蒜蓉煙肉碎、底層係爆汁大啡菇🤤，又係特色配答之選。
蔬菜類方面，叫左燒菠蘿同燒翠肉瓜。燒菠蘿好食相信都唔需要多講，特別一讚既係燒翠肉瓜，呢個一定要叫！！一咬落去，瓜汁就係口中爆發，清新晒成個口腔。如果唔係食到尾聲好飽，都想叫多串。
最後，除左串燒之外，仲有不少炸物用黎送酒同朋友吹水一流，炸雞軟骨夠晒大碟，外脆內爽，唔錯。整體來說，呢間係難得一見既串燒小店，口味亦無平常串燒重，食落十分舒適，蔬菜類好好食😋，食完亦未會成身有串燒味，值得再戰！
張貼
