話就話即製，不過又唔算真係等好耐。前菜沙律，係冇諗到係成碗火箭菜，加蕃茄仔、黑醋醬、意式乾香草，非常對口味。
1
青醬松子意粉，仲要係俾人揀配咩意粉，六揀一，我就揀寬意粉。個人覺得青醬好出色，唔似單純𢳂現成青醬加油開稀而成，幾清新，羅勒味好香，久久不散。如果用再靚啲青啲嘅橄欖油就仲好。不過真係多油（其實整西餐實係咁，見唔到油就係有其他嘢漿注啫），唔鍾意見到成碟油嘅朋友就唔好揀青醬喇。意粉食落都係手工Feel，煙韌，有咬口，偏滑身，不過蛋香麥香味一般。
甜品Tiramisu ，我覺得好食，港人標準，甜，但唔係好甜。略嫌啲奶油嘅質地薄咗啲。
整體嚟講，真係CP值超標，去貴幾倍嘅「正宗」意大利餐廳，質素都未必有一個double。一嚿唔使食到呢個質素，真係夫復何求？一定返兜！
1
