Goobne Chicken (M88) (已結業)

朋友係 K pop super fans，最鍾意食韓國嘢，當然炸雞係佢最愛啦。今次佢同我講搵到間超好味炸雞，就跟佢去試下韓國烤雞 Goobne Chicken！話明烤雞，當然係不經油炸，咁健康，我哋兩個食兩隻雞都唔過份啦！原味烤雞以最原始的方法醃制，保留雞肉的原汁原味，咬開雞肉時肉汁仲保留左喺皮同肉之間，雞脾好有口感，雞背都非常嫩滑。 因為係原味烤雞，無被其他調味料搶左雞味，個人認為呢個係最好食，highly recommended！火山烤雞事關我真係好鍾意食辣，所以叫左另一款最多辣椒嘅火山烤雞。點菜時候，侍應生已經再三提醒我呢個好辣喎，真係好辣喎！ 我無畏無懼照點一個！ 火山烤雞係甜加辣，所以甜味係中和左個辣，所以都無咁地獄。甜甜辣辣食到我個嘴都紅曬，又流曬鼻水，真係好刺激！飲品我哋就叫左鯊魚之淚同埋驚柚子沙冰鯊魚之淚賣相十分吸引，有成隻鯊魚插左喺杯飲品上面，好可愛。原來係檸檬同埋桃汁沙冰，好清新，都好適合夏天飲，望到都透心涼！柚子沙冰，粉紅色好吸引，原來係西柚，酸酸甜甜，一路飲一路食，我哋食曬兩盤雞囉！！ 大滿足！