影片
更多
2022-08-28
468 瀏覽
啱啱食完lunch 係旺中附近周圍逛逛先再去朋友屋企繼續下場，行至T.O.P 附近見到「雞翼山」就諗住takeaway 去朋友屋企做下酒菜😆餐點分為一人餐/二人餐同多人雞翼餐可供選擇，知道屋主忙住打掃屋企都仲未食午餐，所以我地就叫咗一個一人餐同埋12件雞翼餐😆12件雞翼餐可以係9款口味入面揀3款，除咗原味外，其他都坊間少有嘅自創特色口味，我地就揀咗3款最想試嘅，分別係文青風玫瑰🌹、韓風吉士鹹蛋醬、濃口櫻花蝦蝦醬🌸🦐，由甜甜地到鹹甜交流到鹹香十足我地都試哂😏文青風玫瑰雞翼蜜糖味夠濃，香甜可口，炸雞翼配上蜜糖令整體脆到再提升一個層次，面頭再灑上香草同玫瑰花瓣碎，淡淡悠悠嘅花香又將邪惡感減少咗🤣韓風吉士鹹蛋醬係偏濃稠，估唔到甜甜地嘅吉士醬加上鹹香嘅鹹蛋醬又幾夾喎，原味脆香雞翼另上所以唔會俾個醬降低脆度👍🏻濃口櫻花蝦蝦醬口味係雙重🦐🦐，雞翼已預自用蝦醬醃製，比原味多一重鹹香，加上櫻花蝦賣相已經好吸引啦😆一人餐都相當豐富，溫泉蛋洋蔥雞翼丼加上兩款小食甜介辣雞軟骨同唐揚蝦連飲品都係$68 ，除咗雞翼外其他炸物都十分出色，唐揚蝦嘅香氣一直到家都仲好濃烈，建議可以加入做單點項目😋之後先發現原來「雞翼山
餐點分為一人餐/二人餐同多人雞翼餐可供選擇，知道屋主忙住打掃屋企都仲未食午餐，所以我地就叫咗一個一人餐同埋12件雞翼餐😆
12件雞翼餐可以係9款口味入面揀3款，除咗原味外，其他都坊間少有嘅自創特色口味，我地就揀咗3款最想試嘅，分別係文青風玫瑰🌹、韓風吉士鹹蛋醬、濃口櫻花蝦蝦醬🌸🦐，由甜甜地到鹹甜交流到鹹香十足我地都試哂😏
文青風玫瑰雞翼蜜糖味夠濃，香甜可口，炸雞翼配上蜜糖令整體脆到再提升一個層次，面頭再灑上香草同玫瑰花瓣碎，淡淡悠悠嘅花香又將邪惡感減少咗🤣
韓風吉士鹹蛋醬係偏濃稠，估唔到甜甜地嘅吉士醬加上鹹香嘅鹹蛋醬又幾夾喎，原味脆香雞翼另上所以唔會俾個醬降低脆度👍🏻
濃口櫻花蝦蝦醬口味係雙重🦐🦐，雞翼已預自用蝦醬醃製，比原味多一重鹹香，加上櫻花蝦賣相已經好吸引啦😆
一人餐都相當豐富，溫泉蛋洋蔥雞翼丼加上兩款小食甜介辣雞軟骨同唐揚蝦連飲品都係$68 ，除咗雞翼外其他炸物都十分出色，唐揚蝦嘅香氣一直到家都仲好濃烈，建議可以加入做單點項目😋
之後先發現原來「雞翼山」仲榮獲2022必食街頭小食之一🏆
張貼
