雞翼山 (T.O.P This is Our Place)

營業中

休息中

聽個名都知，雞翼山係一間炸雞翼專門店，分店都唔少。之前試過銅鑼灣分店，原來旺角 T.O.P. 都有，今日就黎試試。身爲炸雞翼專門店，餐牌有多款特色口味選擇，一共有9款，套餐都有幾款。今日揀左12件套餐，包三款口味雞翼或者雞槌各4隻加一杯飲品，價錢$128。食物即叫即做，等左陣就見到用厚身紙兜裝住嘅雞槌啦！呢度有提供濕紙巾，膠手套同即棄餐具，座位有幾個，可以趁熱食。雞槌新鮮炸起，皮脆肉嫩，我全部叫左雞槌，好多肉食。港式避風塘蒜香雞槌港式避風塘蒜香口味少少辣而蒜香十足，幾好味。黑松露武士雞槌（右）黑松露武士口味係加左黑松露粉同紫菜碎，較為乾身，個人覺得如果轉做黑松露醬會更好。韓風吉士鹹蛋醬雞槌（左）呢個韓風吉士鹹蛋醬正！因為個韓風吉士鹹蛋醬又滑又香，食落少少鹹香，分量又足，我用黎點埋黑松露武士雞槌食。飲品包Coke Zero或者兩款罐裝茶飲。