新記雞粥

營業中

休息中

今日同朋友經過呢間新記雞粥，門囗既招牌菜式menu都好吸引而且菜式都好似幾啱我地食,所以膽粗粗就試吓。入到去餐廳位置尚算寬趟座位有好多,而且見進餐既人都人人一鍋粥品・感覺呢度既粥品都應該非常唔錯。我哋點左一客炸魷魚鬚、一隻乳鴿同埋一鍋雞粥。炸魷魚鬚面有一浸金黃色一粒粒鬆脆外皮,食落咬囗鬆脆裏面既魷魚彈牙而且好香,再加上佢哋嘅酸甜醬非常之夾,食完一條就停唔到口,好快就成碟食晒。乳鴿亦都係店既推介・成隻乳鴿都幾肥美而且好有肉,外皮燒到好脆口,食落去肉質鮮美,味道一流。另外我哋亦點左一鍋粥,粥既配料係可以加錢去配搭，每餸係$6-$15蚊・我地點左一鍋雞粥再加田雞同皮蛋，雞粥鮮味非常一流好鮮甜而且雞肉好有雞味加上我地加左蟹同田雞每餸嘅鮮味突然倍增而且同個粥好夾食到舔舔脷。呢間餐廳嘅食材好新鮮而且味道一流加上平民嘅價錢下次一定再繼續幫襯。