影片
更多
2013-11-02
4868 瀏覽
好多人都特登去西區打邊爐。究竟西區打邊爐有乜咁吸引？呢排涼涼哋，最啱就係打邊爐，特登同女友走入呢個地方。上到去熟食中心，間間檔口都唔多人，唯獨係「雞煲」要排隊。望吓啲人食緊乜……有啲食小菜，有啲就雞煲，有啲飲鱷魚肉湯。嗰日個人都幾凍，其實想食鱷魚湯底打邊爐，但係同女友再傾落，既然個招牌名正言順叫做「雞煲」，就食佢個雞煲，睇吓係咪真係咁把炮！排咗三個字，終於有枱。但係雞煲都有分麻辣（打邊爐）、大笪地（乾煲）同埋秘製（唔知乜嘢），咁一心嚟打邊壚，就緊係叫個麻辣。加幾碟配菜，就等食。等食其間，隔離枱叫咗個乾煲，聞到好香，又有咋咋聲咁，心諗莫非我哋叫錯濕煲？到個煲真係嚟，等埋煲滾，食隻雞先……唔係講笑，唔鞋口，嫩滑到唔覺得係雞煲。而跟煲秀珍菇細細粒，不過索咗啲麻味，食落把口麻晒。嚟埋個魚滑一齊滾，咬落又係彈牙，墨魚嘅味又出，又索到啲麻味。滾吓滾吓啲雞都開始辣辣哋，但係啲料又差唔多食晒，於是補飛。招牌大大隻字寫住手打肉丸，就點一份；另外啲秀珍菇真係好好味，決定添食。牛丸食得出係手打，而且彈牙到打乒乓波都得，牛肉味好出，又唔黐牙。估唔到喺檔「雞煲」做到一流手打牛丸！有啲意外。而另叫嘅秀珍菇，比跟煲
呢排涼涼哋，最啱就係打邊爐，特登同女友走入呢個地方。
上到去熟食中心，間間檔口都唔多人，唯獨係「雞煲」要排隊。
望吓啲人食緊乜……
有啲食小菜，有啲就雞煲，有啲飲鱷魚肉湯。嗰日個人都幾凍，其實想食鱷魚湯底打邊爐，但係同女友再傾落，既然個招牌名正言順叫做「雞煲」，就食佢個雞煲，睇吓係咪真係咁把炮！排咗三個字，終於有枱。但係雞煲都有分麻辣（打邊爐）、大笪地（乾煲）同埋秘製（唔知乜嘢），咁一心嚟打邊壚，就緊係叫個麻辣。加幾碟配菜，就等食。
等食其間，隔離枱叫咗個乾煲，聞到好香，又有咋咋聲咁，心諗莫非我哋叫錯濕煲？
到個煲真係嚟，等埋煲滾，食隻雞先……唔係講笑，唔鞋口，嫩滑到唔覺得係雞煲。而跟煲秀珍菇細細粒，不過索咗啲麻味，食落把口麻晒。
嚟埋個魚滑一齊滾，咬落又係彈牙，墨魚嘅味又出，又索到啲麻味。滾吓滾吓啲雞都開始辣辣哋，但係啲料又差唔多食晒，於是補飛。
招牌大大隻字寫住手打肉丸，就點一份；另外啲秀珍菇真係好好味，決定添食。牛丸食得出係手打，而且彈牙到打乒乓波都得，牛肉味好出，又唔黐牙。估唔到喺檔「雞煲」做到一流手打牛丸！有啲意外。而另叫嘅秀珍菇，比跟煲嘅更加大隻，嗰種啖啖秀珍菇，重要係咬落有肉哋，一啖食唔晒嘅感覺，暫時冇乜打邊爐食肆可以搵到。
食到最後，落埋個木薯粉，留返啲雞同埋幾牛丸個餸，呢鑊先最禾味。所有精華都索晒落去啲木薯粉，同埋啲餸到。最估唔到嘅係，隻雞煲咗成個幾鐘，依然咁滑！當然食到最後啲汁，肯定係辣到飛起。中途冇加過湯，都啱啱好可以食得晒。
同荃灣出名嗰檔雞煲比較，呢檔「雞煲」都有得揮，而且絕無欺場，絕對冇愧對佢個「金漆招牌」！
張貼
