喜亭軒 (已結業)

又想食雞煲，又想打邊爐🍲，又想食燒肉，邊有咁完美，原本真係可以有，位於旺角呢間喜亭軒，一次滿足你三個願望，價錢都只不過係平時打邊爐嘅價錢，咁抵食冇理由唔過嚟試下，我哋揀咗星期二夜晚七點半左右黎食，既然乜都有得食，緊係揀最貴嗰個價錢黎食，$308一個人，包埋一份刺身，一份海鮮🦞，刺身一上枱就俾我哋食晒，最鍾意個三文魚刺身，第一次見到兩個爐同時運作真係好得意😎，首先揀咗宮廷香辣走地荔枝雞煲BB辣先，雞煲好彩份量唔算多，如果唔係真係唔够胃食咁多款，之後再用QR Code揀湯底同配料，一路食雞煲一路開始打邊爐🍲，個雞煲真係一啲都唔馬虎，超級入味，又麻又香好好味，好快就食晒，職員你即刻幫我哋換燒烤爐，湯底揀咗好健康嘅養生鍋，之後就咩都叫啲，之後再揀啲燒烤配料，兩邊同時進行，好忙好忙，牛肉無論打邊爐定燒烤都咁好味，健康人士嗌佐我哋菜食，仲有小食可以嗌，中華沙律同雞軟骨我都好鍾意食，份量又多，最後仲有我至愛嘅movenpick 楓糖合桃雪糕，仲要再出去拎佐一杯白桃紅茶雪條食，兩款雪糕都正到不得了，真係飽到頂唔順，真係好滿足，見佢仲有點心放題可以食，下次一定要再嚟食