影片
更多
2019-06-06
1474 瀏覽
重慶麻辣雞煲 半隻 $178早兩年幾流行雞煲 依家有一排無食 見口痕就叫左半隻雞 五個辣度中揀左中間小辣我覺得雞煲既精萃未必係雞 而係煲底個調味 落得夠唔夠配菜 辣度岩唔岩自己 我自己就鍾意重口味啲 另外感覺雖然都係麻辣 不過麻既元素相對低啲 至少我食雞食餸果陣無黏到幾多花椒粒呢煲雞有個特點 就係大大隻雞 睇落似乎唔多件 其實足夠有突 半隻都比想像中飽 仲要留肚食其他由於雞隻大食得慢左 清哂啲雞加湯果陣見辣汁都見見地底 之後湯底就變得無咁辣 熬到最後個辣度先上返去呢間火鍋叫雞煲又得其他淨/雙拼湯底又得 少有地有好幾款雞煲底選擇 我落單都傻豬左講得雞煲無講咩煲底 麻辣雞煲有手指公 不過係油膩啲 食完會清腸胃 留意返自家炸魚皮 $65打邊爐好興食魚皮 呢份幾貴下 實物原來好鬼大份平心而論碟炸魚皮係好食既 唔知佢自家點整 好夠脆 可惜眼闊肚窄 第一次食唔錯既魚皮會食淨唔少 因為多到呢... 建議三四人share為佳 店家可以考慮半份咁賣 反正魚皮過口癮一流 但又唔會係火鍋主角 等客留肚食其他自創爆芝響鈴 (3件) $45影相睇唔到 其實響鈴當中係夾左塊芝士 呢個配搭簡單而我又真係未見過 都叫
早兩年幾流行雞煲 依家有一排無食 見口痕就叫左半隻雞 五個辣度中揀左中間小辣
我覺得雞煲既精萃未必係雞 而係煲底個調味 落得夠唔夠配菜 辣度岩唔岩自己 我自己就鍾意重口味啲 另外感覺雖然都係麻辣 不過麻既元素相對低啲 至少我食雞食餸果陣無黏到幾多花椒粒
呢煲雞有個特點 就係大大隻雞 睇落似乎唔多件 其實足夠有突 半隻都比想像中飽 仲要留肚食其他
由於雞隻大食得慢左 清哂啲雞加湯果陣見辣汁都見見地底 之後湯底就變得無咁辣 熬到最後個辣度先上返去
呢間火鍋叫雞煲又得其他淨/雙拼湯底又得 少有地有好幾款雞煲底選擇 我落單都傻豬左講得雞煲無講咩煲底 麻辣雞煲有手指公 不過係油膩啲 食完會清腸胃 留意返
自家炸魚皮 $65
打邊爐好興食魚皮 呢份幾貴下 實物原來好鬼大份
平心而論碟炸魚皮係好食既 唔知佢自家點整 好夠脆 可惜眼闊肚窄 第一次食唔錯既魚皮會食淨唔少 因為多到呢... 建議三四人share為佳 店家可以考慮半份咁賣 反正魚皮過口癮一流 但又唔會係火鍋主角 等客留肚食其他
自創爆芝響鈴 (3件) $45
影相睇唔到 其實響鈴當中係夾左塊芝士 呢個配搭簡單而我又真係未見過 都叫創新
店員上菜會提醒食響鈴先 明明我連湯都未加 慣左浸湯兩秒食 我諗可能係上檯前已經處理過 我都聽佢講食左先 都用雞煲汁濕下佢易入口啲 始終大大件幾飽下 口感上比平日食開既脆 脆得黎幾多層次
口感以外 熱到半熔既芝士幾濃郁 超級邪惡 味道唔錯 不過食兩件已經飽左半
如果唔怕飽既都值得試下 有一定特色
稻庭烏冬 $33
我覺得自己似食緊手打烏冬多過稻庭烏冬...
雖然兩種烏冬我都岩 但稻庭烏冬配雞煲係會入味啲 而呢款稻庭烏冬粗身啲 見開果種通常係扁身 如果係咁我會想叫出前一丁多啲 同稻庭烏冬一樣都係麵系類既雞煲良配
唐山菜 $38
唐山菜始終係我最愛既火鍋蔬菜
味道無野好講 相信無幾可會食到條好食或者難食既菜 講下佢既份量 我覺得比見開既多 幾足下 平時叫菜總覺得唔夠要encore
另外可能煲野無咁麻 往日雞煲食菜好易夾埋花椒係當中 今次就無
日本蟹柳 $55
蟹柳又係唔會難食唔會伏 無論雞煲定一般火鍋都岩食 呢碟價格高左啲 我都義無反顧叫左碟
張貼
