麥當勞 (亞皆老街)

營業中

休息中

M記一向係醫肚救星，夜晚開完會鬼打咁肚餓，於是就試咗M記新出嘅黑椒雙牛蛋漢堡啦。背景講多無謂，有圖有真相，去相。個餐加咗芝士薯條大約要盛惠３５蚊到，同其他餐一樣包杯中汽水。呢個餐係用Batman 做主題，除左黑椒個黑同 Dark Knight 看似有啲關係之外，其實真心唔多明搞咩，不過個盒原來有得咁樣整個蝙蝠耳出嚟，都唔知話係有心定係多餘啦。個包點解係不過不失呢？事關佢同其他麥記包一樣，都係生得好似中左輻射咁，已經對佢賣相麻木晒。黑椒汁少少辣唔錯，快餐都唔多要求啦。芝士薯條絕對係驚喜之作，原本以為d 芝士醬會好難聞同好難入口，點知食落真係好好味，仲爽過點茄汁，加埋煙肉粒，一個字正。