燒魂 (已結業)

宜家食放題，一般會分兩種，一種魚生加埋熟食，全程飯來張口，整好曬先上台。另一種係燒肉放題，自己燒燒下夠晒過癮。但係why not both呀？食嘅方法多左選擇，但係食嘅次序就唔可以馬虎。首先一定要飲啤酒，啤酒根本就係呢兩種煮法都適合既良伴。然後叫個枝豆，每每下，先有週末chill嘅感覺。 🍖新鮮嘅刺身，一定係開始進食既第一樣，由淡至濃，先可以試出每一樣味道。刺身樣式都唔少，虎蝦超好肉，三文魚又肥美，吞拿魚既色澤特別光亮，睇得出好新鮮，食落味道都特別鮮。仲有泰式生蝦，無雪味，又彈牙。 🍖然後到燒肉部份，牛雞豬，我地每樣揀咗啲，估唔到師傅砌到併盤咁，真係要比心心。牛肉質素幾高，尤其黑毛飛霜牛肉，紋理靚，煎落油份充足但唔會過油。豬肉都係好好嘅選擇，骰仔豬肉，就好似韓式豬腩肉嘅口感，外面脆卜卜，入面又食到豬油嘅爽脆。不過我最中意係蜜運豚后肉。由於有蜜糖嘅關係，一路燒已經一直聞到個陣香味，然後就係燒燒下，個面會出現好多煎炸而產生嘅氣泡，治癒之餘又加速焦糖化，反下反下，最後上台，感覺有啲變成煙肉，有脆嘅口感，又不失肉既香軟。當然我既煎煮技巧都應記一功。 ✨️要食得開心，食嘅材料質素，煮食烹調方法，如