影片
更多
2018-09-09
180 瀏覽
早幾日有朋友邀約幾個朋友仔一齊去元朗食打邊爐, 我心諗食打邊爐使唔使專登入元朗食呢？佢話有熟人介紹呢間係一間唔錯嘅火鍋店！仲Book埋位Table for 4, 約咗星期三晚八點鐘大夥兒一齊去食, 咁就去睇下係咪真係咁好味先...雖然好多年前系天水圍住過幾年, 但至今日已經唔係好記得元朗d路, 上Google Map查過要系元朗西鐵站落車步行大約13分鐘左右就會去到, 於是跟住個圖嘅路線方向行, 其實都幾偏遠唔算就腳, 大約三個字終於搵到目的地。雖然個門面唔係好顯眼, 但係一入到裏邊原來有好多座位可以坐到好多人, 一坐低就有部iPad可以做點餐, 就好似元氣壽司一樣可以咁現代化, 呢間"616牛肉火鍋專門店"原來連埋依間元朗店總共有八間, 尖沙咀區都有分店可以下次選擇九龍食hehe... 攞起個iPad點餐原來真你有好多花款嘅鮮牛肉可以選擇, 一嚟就喇喇臨叫咗一個鴛鴦湯底, 因為呢個鐘數實在太肚餓喇。店鋪後啲原來有自助調味料吧, 可以自己自由配搭醬料。我至中意就係食肥美而帶點雪花嘅肥牛, 例如: 紅白色澤都合檔嘅肩胛翼, 同超級新鮮紅潤嘅安格斯橫隔肌及澳洲和牛內裙肉, 爽口嫩滑嘅胸口膀
仲Book埋位Table for 4, 約咗星期三晚八點鐘大夥兒一齊去食, 咁就去睇下係咪真係咁好味先...
雖然好多年前系天水圍住過幾年, 但至今日已經唔係好記得元朗d路, 上Google Map查過要系元朗西鐵站落車步行大約13分鐘左右就會去到, 於是跟住個圖嘅路線方向行, 其實都幾偏遠唔算就腳, 大約三個字終於搵到目的地。
雖然個門面唔係好顯眼, 但係一入到裏邊原來有好多座位可以坐到好多人, 一坐低就有部iPad可以做點餐, 就好似元氣壽司一樣可以咁現代化, 呢間"616牛肉火鍋專門店"原來連埋依間元朗店總共有八間, 尖沙咀區都有分店可以下次選擇九龍食hehe...
攞起個iPad點餐原來真你有好多花款嘅鮮牛肉可以選擇, 一嚟就喇喇臨叫咗一個鴛鴦湯底, 因為呢個鐘數實在太肚餓喇。店鋪後啲原來有自助調味料吧, 可以自己自由配搭醬料。
我至中意就係食肥美而帶點雪花嘅肥牛, 例如: 紅白色澤都合檔嘅肩胛翼, 同超級新鮮紅潤嘅安格斯橫隔肌及澳洲和牛內裙肉, 爽口嫩滑嘅胸口膀, 入口即溶系手打牛滑, 以及半打牛丸同埋雙拼牛肉餃, 樣樣都好好味真係超出我預期想像！
野飲方面我哋每人帶咗支菊花桂圓露, 同場仲有洛神玫瑰茶, 烏梅汁, 汽水及有幾款啤酒以供選擇, 最尾我哋都釣咗兩個菊花冰粉作火鍋甜品清清熱氣！
仲有其實佢張紙枱墊係有介紹牛肉邊個部位嘅肉要烹調幾多秒鐘先至最好味, 但係美中不足唔係每一款部位都有提及, 可能店老闆之後先至加多幾款牛肉, 所以先至冇提及啦！
大家食咗兩個幾鐘, 雖然個個都冇飯落口, 但係每個人都捧住個肚走, 食完之後個感覺可以介紹埋俾其他朋友再試多幾次😎
張貼
