影片
更多
2021-03-03
577 瀏覽
大坑其實係美食區成街都係好西，尤其越開越多cafe！新年嗰陣陪屋企人去大坑蓮花宮攝太歲所以去左支持😛老闆係同路人，由三兄弟同媽媽主理，好欣賞佢哋能夠清楚公開表明立場，並且獲得多位男神認證💛佢哋招牌鹹蛋肉餅賣相一時時，有時係高聳直立，有時扁身或者好似我依個咁打斜發展，想影靚相打卡真係可遇不可求睇彩數🤣平日午餐熱飲加$2凍飲加$5，但星期六日公眾假期飲品要比原價🥺👓鹹蛋蒸肉餅 $56山頂係個乒乓波大細形狀嘅鹹蛋黃，配上啖啖肉juicy肉餅。老實講價錢吾平，但味道真係好食，肉質超淋，比平時果種餅形扁身質感更軟身，唔使咬就甘吞都得。雖然係山形，但入面均熟透，淋上秘製甜豉油，肉餅索哂味，配白飯一流。白飯同餸分開上，變相可以同友人share吾同餸食。評分：8/10👓客家鹽焗手撕雞 $59手撕雞向上疊，同肉餅係朋友一齊向上發展。雞份量比我想像中多，肉質有咬口但唔未去到韌或叫嫩滑，正正常常，但唔肥膩唔多肥膏。重手麻油再沈上芫茜碎同芝麻，所以好夠味好香，同樣好啱送飯。評分：7.5/10
老闆係同路人，由三兄弟同媽媽主理，好欣賞佢哋能夠清楚公開表明立場，並且獲得多位男神認證💛
佢哋招牌鹹蛋肉餅賣相一時時，有時係高聳直立，有時扁身或者好似我依個咁打斜發展，想影靚相打卡真係可遇不可求睇彩數🤣
平日午餐熱飲加$2凍飲加$5，但星期六日公眾假期飲品要比原價🥺
👓鹹蛋蒸肉餅 $56
山頂係個乒乓波大細形狀嘅鹹蛋黃，配上啖啖肉juicy肉餅。老實講價錢吾平，但味道真係好食，肉質超淋，比平時果種餅形扁身質感更軟身，唔使咬就甘吞都得。雖然係山形，但入面均熟透，淋上秘製甜豉油，肉餅索哂味，配白飯一流。白飯同餸分開上，變相可以同友人share吾同餸食。
評分：8/10
👓客家鹽焗手撕雞 $59手撕雞向上疊，同肉餅係朋友一齊向上發展。雞份量比我想像中多，肉質有咬口但唔未去到韌或叫嫩滑，正正常常，但唔肥膩唔多肥膏。重手麻油再沈上芫茜碎同芝麻，所以好夠味好香，同樣好啱送飯。
評分：7.5/10
張貼
