茶湯會 (新都城中心) (已結業)

自從開咗茶湯會，係寶琳搵台式飲品又多咗一個選擇，而且呢一間環境好寬敞，有好多可以坐落嚟嘅位置就算行街行到攰，都可以歇一歇今次同朋友下午茶時間嚟，叫咗兩杯飲品追加一個小食 我要咗杯熱嘅燕麥觀音latte，朋友要咗杯凍嘅鮮打水果茶，仲叫咗個好有台灣特色嘅爆漿珍珠吐司雖然叫做吐司，但係做法有少少似港式嘅飛碟，因為四邊嘅壓口都係烘到好脆嘅 食物一到我哋就迫不及待想切開個吐司，睇下佢中間爆漿係會點樣樣切開發現，入面嘅珍珠真係多到爆曬出嚟， 而且唔用碟食嘅話，分分鐘跌到珍珠周圍都係 奶茶嘅味道唔重，相反會有好香嘅奶油味，食落珍珠好淋，好有硬口，而已都幾飽 朋友嘅水果茶用料好豐富目測見到有火龍果，百香果，奇異果，橙，青檸，蘋果，菠蘿等等......飲落好有熱帶嘅味道，十分清新酸甜 我嘅燕麥奶茶味道好香，拎起都幾重手，因為燕麥佔咗差唔多四分之一杯燕麥好感滑捋捋，咬落一粒粒卜卜聲，有纖維好健康