嚐館 (已結業)

去開黃大仙貼屋企人買野，午飯時間經過見到間裝修得幾靚既餐廳，見到餐牌又幾多選擇就入去食lunch🍽️紅酒燴牛尾飯 $88牛尾連骨大大舊上碟，好有氣勢😂牛肉煮得軟身，一夾就好容易骨肉分離，另外牛尾既脂肪同膠質令食落更加香，紅酒煮既醬汁加左蕃茄，味道微酸好惹味醬油鰻魚粒蛋角炒飯 $63米飯炒得粒粒分明，日式醬油加入飯炒均，味道甜甜咸咸香噴噴，鰻魚切粒放入飯中炒，而且鰻魚量都幾多，啖啖飯都有鰻魚抹茶鮮奶 +$18估唔到連抹茶鮮奶都有拉花💚 抹茶超濃，鮮奶同抹茶2隻味道都好夾