摩豆 (已結業)

摩豆由最初旺角總店開到十九區都有分店，可想而知香港人對呢款Comfort food 的需求有多大？早前終於一試摩豆雞蛋仔～呢間店係專門做奇怪的口味，愈覺得無可能的就愈多人試！一人想試土鳳梨酥口味的，但賣光了，最後退而求其次揀了伯爵茶口味。需要先落單俾左錢，之後憑收據去領回食物，因為是即叫即做，如人不多大概需要五至十分鐘，人多另計。等了十分鐘終於出爐，熱呼呼拿在心上，雞蛋仔質感比較挺身，內外口感脆卜卜，甚至有點界手，不像平時的雞蛋仔入面會軟身，蛋香亦不算太強。伯爵茶口味有點似某種包裝檸茶，愈食愈正！好鐘意！