韓閣 (已結業)

踏入了黃大仙中心商場，叫朋友揀一間餐廳，見到在角落裏有一間佈置相當韓系文青場景風的餐廳，菜式是韓風加洋風，地方大，枱與枱有距離，最啱兩個女人談天說地, Gossip一番～先來兩個前菜，芽菜夠爽口、蓮藕鮮甜、蟹仔醬汁夠晒惹味，蟹仔殻脆口～★彡 紫菜肉鬆蛋卷 $72作為蛋卷愛好者，一定要叫的菜色，呢一款完全在Menu吸引了我的注意力，除了在外觀上吸引外，味道都相當有驚喜，表面肉鬆的鹹鹹甜甜，配上紫菜的香脆，厚厚日本蛋卷住蟹柳和蔬菜，加上沙律醬和甜醬，真的多種口感大爆發。★彡 韓閣歡樂盆：鐵板原條香辣魷魚筒唔想食咁多肉，所以揀咗個相對特別嘅原條魷魚筒，魷魚筒惹味Baby辣，厚身啖啖肉，肉質爽口彈牙，份量夠，配上側邊嘅滑滑蒸蛋、紫菜味飯、同埋估唔到咁爽甜嘅菠蘿，明火熱著嚟食，正～★彡韓國魚膏片炒雜菜食咁多油膩嘢，一定要嗌返個雜菜，蔬菜嘅款式份量都多，味道較清淡，但食到蔬菜嘅鮮味，造就我少食飯多食菜嘅宗旨。