聚小館

之前見過介紹呢間都算新的餐廳，聽講話係前五星酒店大廚開嘅，一直想試。呢次同個鐘意食海鮮的朋友黎一試。

OpenRice 寫港鐵A2出口，但完全搵唔到A2,而A出口係去反方向的⋯行咗個大運先去到

店面雖然唔大，但整潔明亮，都坐得舒服。幾位店員小哥友善親切，會黎介紹店內的菜式。因為有叫蝦蟹，中間又會自動黎幫忙換乾淨碟，服務態度👍🏻（唔知同友人不斷叫海鮮有無關😆）

好重藥材味，未必人人鐘意，但朋友話醫頭風頭痛，我即叫。湯十分足料。我唔識食魚頭，友人話夾落魚頭，魚骨都粉碎，可見係燉咗好耐

$88

1

一點唔韌，吸晒汁的味道。如果稍為減一點咸，再出一點鮑魚鮮味就100分

未聽過珊瑚蟹，店員話即係長腳蟹。蒸完後花雕酒味仍香濃，蛋白嫩滑，用黎送白飯一流。蟹肉爽甜，廚師係將蟹身蟹腳預先剪開蒸，唔洗出手就輕鬆食到蟹肉👍🏻唯一不足係份量略少，相片係已經食咗兩件先記得影相😆，但如果多兩件就更好

中段等上菜時小店請食的，好開梅子味的去皮車厘茄👍🏻之前見過食評話太甜，食頭一兩粒覺得清甜得黎有好香梅子味又無我好怕的梅子勁酸，但食多幾粒係有點甜的，但又未至於太甜，感覺仍開胃健康。如果甜度再減少少就勁正😍

炸得香脆唔油的皮包住帶有黑松露香的磨菇，我同友人都大讚，必叫👍🏻👍🏻

醬汁調得好好味，香濃得黎唔過咸，蝦肉爽滑，超水準

差不多枱枱都叫的招牌炒飯，食到豆豉鯪魚粒同切粒豆，感覺十分香港地道口味，又具創意

$68

平日食鵝都係燒味或潮州老水，碌鵝真係未試過。小鍋上見到醬汁仲不斷滾起水泡，香味有點似羊腩煲。鵝肉超嫩，即使胸肉都唔鞋口，雖然見煲內浮起一層油脂，對想減肥嘅我有點滴汗，但絕對值得一試😋😋

特別在於用春蛋，腐竹係煮熔的，但我覺得都係出面中式糖水舖的比較濃腐竹味，但呢個不太甜唔錯

總結呢間小店十分適合三五知己黎晚飯，嘆下精緻高水準中菜。餐牌菜式唔多，但樣樣精緻有水準，店員話其實大廚有好多拿手菜，想食乜嘢下次可以預先打電話訂定。菜式份量不多，啱晒鐘意試菜的女士，如果有大食男士，最好叫多個炒飯食飽肚。