西門町台灣麵食 (已結業)

之前大食妹同朋友行經呢間西門町台灣麵食, 又有少少掛住台灣嘅好味道, 於是就入咗食晚飯<醇香酒煎雞>如果大家有跟開大食妹嘅post, 應該知道大食妹超鍾意加咗酒嘅料理, 今日見到呢個醇香酒煎雞亦都忍唔住嗌咗份事實證明一啲都冇嗌錯, 醇香酒煎雞嘅酒香味十足, 令人一試難忘雞肉亦好嫩, 同酒底好夾<皮蛋蝦米榨菜肉鬆豆腐>因為天氣開始好熱, 大食妹突然想食啲清涼小小嘅嘢食, 就嗌咗呢份皮蛋蝦米榨菜肉鬆豆腐豆腐好滑好水嫩皮蛋份量都唔少, 如果可以係糖心嘅就更好啦<香芒沙拉鳳尾蝦>呢份香芒沙拉鳳尾蝦鳳尾蝦炸得脆卜卜, 配搭自家製嘅香芒沙拉醬汁食落幾開胃<擔擔麵>台式擔擔麵同上海擔擔麵有少少唔同, 醬汁濃度相對冇咁高, 感覺冇咁油膩<肉躁飯>肉躁飯嘅肉躁都好足料, 相當有誠意<雷沙湯丸>雷沙湯丸軟Q軟Q, 裏面滿滿黑芝麻餡<蜜桃玉露(左)及青蘋果玉露(右)>蜜桃玉露同青蘋果玉露甜度都啱啱好