Zucco (已結業)

今日去左尖沙咀一間bar and restaurant ，風格係行工業風，同埋呢度嘅speaker 幾靚聲又重base，呢度播英文歌同廣東歌為主，喺呢個環境食飯飲野都唔錯。🥪香煎鵝肝多士鵝肝都幾大舊，而且調味岩岩好鹹味適中，再點埋黑醋解膩perfect。🍝香蒜辣椒虎蝦意粉隻虎蝦起大隻又彈牙，再食埋蝦頭入面嘅膏一流。意粉用蒜茸同洋蔥去炒辣辣地幾惹味。🍖美國肉眼扒 10oz呢塊肉眼扒係本身有鹽調左味無再加額外嘅汁，更加食得到牛肉嘅鮮味同牛脂香味，而且就算叫左7成熟都唔會柴，煎得非常出色。配菜有番茄仔、炒蘑菇同炸薯角，全部都不錯。🍹Fruit Punch $88有橙汁、菠蘿汁、石榴汁嘅梳打，果味都幾出，喺呢個環境下飲都幾chill。