三川居酒屋 (已結業)

今日係銅鑼灣行完街之後, 朋友就帶左小妹去左食居酒屋, 沿住樓梯落去地牢就會見到一間隱秘又充滿日本風情嘅居酒屋! 入面有普通座位, 有包廂, 亦有一格格嘅小草屋卡位, 背景播住唔同年代嘅日文歌, 相當有氣氛! 🌟季節刺身盛小妹同朋友點左九點盛, 刺身非常厚切包括有鯖魚, 銀鱈魚, 黑目鯛, 真鯛, 大拖羅, 象拔蚌, 牡丹蝦, 帶子同法國生蠔, 鯖魚魚味最濃郁, 銀鱈魚有被微微火炙過, 食落好香魚油味, 而且肉質非常爽彈, 金目鯛肉質細緻美味, 真鯛清爽鮮甜, 大拖羅油脂分怖平均, 咬落油脂甘香豐腴, 象拔蚌口感爽脆鮮味, 帶子厚肉鮮嫩, 法國生蠔蠔味濃郁, 蠔肉滑爽帶海水味!🌟明太子蟹肉醬焗蠔肉磨菇批磨菇上面鋪有大量明太子蟹肉醬而入面就包住焗蠔肉, 切落去磨菇好多汁, 磨菇吸收左蟹肉同蠔肉嘅鮮味, 所以食落非常鮮甜, 加埋少少菊花一齊食, 味道清香帶甜, 別有一番風味!🌟地雞串(左)雞肉燒得好香, 口感嫩滑多汁🌟串燒甜薯(右)甜薯質感軟腍甜美🌟汁燒雞肉丸(左)雞肉丸口感軟嫩幾juicy🌟醬味燒墨魚咀(中)醬汁燒墨魚咀口感爽脆惹味!🌟燒雞腎(右)雞腎咬落堅爽脆, 沾上餐廳嘅秘製柚子辣醬