聚福樓 (已結業)

有時要諗去邊度食生日、節日或週年紀念日飯都好難下！因為又要好食，又要有氣氛，又要未食過，仲要打到卡，最好有驚喜添！ 而呢次同男友去咗位於屯門三聖站附近嘅「聚福樓」就啱啱好滿足哂呢啲條件喇！ 🧡聚福樓性感沙律（$138）士多啤梨做成嘅花花裝飾外觀靚靚，打卡一流！醬汁酸酸地好開胃，而且帶有莓香幾特別，每一口都會令人愈食愈想食！成個沙律嘅份量超大，成餐keep住食去到尾段都仲有！ 🧡算啦！加酒啦！海鮮（$248）要打卡、要氣氛嘅話，呢碟絕對係不二之選！上枱點火個下真係氣氛馬上爆燈！海鮮味道香濃，確實配酒享用一流！ 🧡辣妹化曬妝偷偷地去海邊曬太陽（$168）成棟蜆都係咬落爆哂水，超鮮甜，絕對唔係平時出面cafe啲冷藏嘢可以比！意粉彈牙，味道一絕！ 🧡Apple Of My Eye（$72）蘋果味清香，酒精唔會太濃，放鬆之選！ 🧡凍玫瑰紅豆綿牛乳（$36）口感舒服，牛乳香滑，甜味剛好，女仔飲啱哂！ 🧡地心探險記（$88）甜品作為一餐嘅完美句號，心太軟絕對係一個好選擇！