MG Cafe

營業中

休息中

係牛頭角地鐵站行去觀塘海濱，搵到間靚靚高質cafe，食個靚brunch，美好的一day。餐廳環境非常舒適，枱與枱之間唔會好迫，望出去嘅景都幾舒服。叫左個香烤羊胺架配香草蜜糖醬，一上到枱見到有三條羊胺架有少少喜出望外，因為通常出去食都係得兩條到，而且試到佢個香草蜜糖醬好特別，喺出邊好小試到，羊胺黎講會係小肥，但完全冇肥就會好柴好難食，太肥呢又會好漏，小肥黎講係啱啱好，羊肉又唔係話好羶，但都好有羊味，配埋個香草蜜糖醬係升級左條羊胺架，真係幾好食同味道幾好，配菜仲有少少沙律菜同幾舊薯仔，三條羊胺架嚟講呢個價錢都算抵食。野飲叫左杯普通latte，外表幾靚同都好飲。地點又唔係話好唔方便，但係食物嘅質素都幾高質，附近環境都好好，所以都值得推薦。