醉吾串

營業中

休息中

聽講呢度有間幾好食嘅串燒，所以今日就專程嚟到屯門醉吾串試吓依度嘅串燒😆紫菜明太子醬薯條，薯條炸到金黃色，紫菜味道好香，再配埋明太子醬，一路食唔停口，正啊🤤空運到港粒貝，用清酒煮過，食落爽口甜美，而且肉質纖柔帶口感，嚟到推介要試吓！👍🏻雞翼師傅好細心咁拆開咗一半所以特別入味，雞肉嫩滑，雞軟骨野味、雞柳裏面嗰層仲有肉汁同埋有嫩嫩嘅粉紅色(呢款雞柳有粉紅色係正常㗎)，同埋上邊放咗一啲有子胡椒、鵪鶉蛋串燒調味適中而且燒得啱啱好！日本青椒仔爽脆柔軟，白色粟米唔好睇佢白色嘅外表原來係好甜好多汁㗎❤️另外小食叫咗炸池魚，送酒啱晒啦😎飲品叫咗Oreo沙冰同House Special將酒加咗菠蘿同橙，酒精濃度高調味做得好好，酒鬼啱晒我鍾意！👍🏻而且老闆好親切好好人，每款食物都用心製作，又鍾意同客人交流👍🏻