生生市場 (永德大廈)

營業中

休息中

今日係鵝頸橋底附近見到有間韓式凍肉店有得外賣韓式野食好吸引，而且啲價錢都好抵，叫左幾款拎反屋企食先。我揀左呢幾款都好好食🤤🩷🩷🩷🩷🩷有韓式牛肉炒粉絲，佢啲牛肉都幾多喺個底度，同埋配搭啲蔬菜一齊落去炒好健康，甜甜地嘅口味啱晒我口味。人蔘雞湯全隻配白飯，佢個人蔘味唔會太過濃味，幾清香。因為有陣時太濃味會搶晒個雞肉嘅鮮味。而且飲到個雞嘅鮮味，佢煲到好夠火候，配白飯一流。辣豬肉紫菜飯卷同埋涼拌蒜心都好食，佢個紫菜飯卷搭配啲蔬菜都好清爽，加埋個辣豬肉就更加惹味。而且嗰涼拌蒜心都好夠爽脆，加埋啲韓式醬汁送飯一流。估唔到喺間凍肉店開咗呢間隱世韓式料理，仲要平靚正。