青藏牛肉麵 (已結業)

今日放工係屋企附近簡單食左一餐。呢間中價位既特色麵店正合哂我心意🎃呢到出名個湯底，離遠都聞到，招牌羊肉同牛肉都同樣好食，薄切易入口，肉既分量都多。手打扁麵經常好快賣哂，次次黎到都係得番拉麵😆，唔緊要，拉麵都同樣好食。拉麵係粗身，有咬口。碗麵之所以咁香咁濃味應該係因為芫荽, 師傅好重手落左好多芫荽, 如果唔鐘意芫荽陣味, 呢碗麵應該唔係你杯茶。湯入面仲有2大舊蘿蔔，蘿蔔好入味，吸哂個湯底既味，平時唔鐘意食蘿蔔既我都食哂 😽整體幾好，不過味精味都重。