影片
更多
2021-05-22
302 瀏覽
本身係烈日當空嘅白天，一入嚟好似入咗第二個世界咁，係充滿神秘感嘅餐廳，有個火爐同埋樹木，環境比較暗，氣氛幾岩傾計！最值得一讚係服務員態度非常好，知道我哋想坐光啲嘅地方，就幫我哋換枱，仲好細心咁幫我哋拉開張枱，驚我哋出入唔方便。之後就到介紹食物啦！餐湯係蘑菇清湯，味道清甜，好有蘑菇味，可能我個人比較鍾意濃味啲嘅，所以就唔太喜歡。雜菜沙律配上酸酸地嘅汁，都幾開胃，啲菜好新鮮！我哋跟餐茶要左杯橙汁！雜菌松露忌廉扁意粉$118黑松露愛好者一定非常喜歡呢個意粉，意粉爽口彈牙，唔會太淋，又唔會太硬，恰到好處！香煎帶子意大利飯$148帶子又大粒又好食，幾鍾意意大利飯嘅汁，但係啲飯略嫌有啲硬。超爽脆炸軟殼蟹$88(2隻)名副其實超爽脆！好好食！唔會太重油膩感！以lunch set、環境、服務黎講，性價比都合理，值得一試！
最值得一讚係服務員態度非常好，知道我哋想坐光啲嘅地方，就幫我哋換枱，仲好細心咁幫我哋拉開張枱，驚我哋出入唔方便。
之後就到介紹食物啦！
餐湯係蘑菇清湯，味道清甜，好有蘑菇味，可能我個人比較鍾意濃味啲嘅，所以就唔太喜歡。雜菜沙律配上酸酸地嘅汁，都幾開胃，啲菜好新鮮！我哋跟餐茶要左杯橙汁！
雜菌松露忌廉扁意粉$118
黑松露愛好者一定非常喜歡呢個意粉，意粉爽口彈牙，唔會太淋，又唔會太硬，恰到好處！
香煎帶子意大利飯$148
帶子又大粒又好食，幾鍾意意大利飯嘅汁，但係啲飯略嫌有啲硬。
超爽脆炸軟殼蟹$88(2隻)
名副其實超爽脆！好好食！唔會太重油膩感！
以lunch set、環境、服務黎講，性價比都合理，值得一試！
張貼
