老爹 (已結業)

之前食過上環總店，已經知道依間係一間性價比超高嘅西餐。今次嚟到新開張冇耐嘅分店，位於灣仔合和附近嘅QRE Plaza 9樓全層。裝修比原店更華麗，入到餐廳感覺好開陽，有大玻璃望出街外，光線十足，空間感十足，坐得舒適，予人溫馨嘅感覺。跟餐有羅宋湯和蒜蓉包，還有飲品。飲品點了檸水和西柚乳酸椰果綠茶，甜度適中，非常解渴，好味法式鴨腿肉牛肝菌炒天使麵牛肝菌散發著濃烈獨特的香氣，融入天使麵，味道卻非常配！加上肉香有咬勁的法式鴨腿肉，吃起來很超有滿足感🤤紐西蘭一級法式羊扒配薯條羊扒肉質鮮嫩，羊羶味不會太重，肉味清香且肉汁豐富👍🏻黑松露薯條每一條薯條散發住松露香，邪惡得來又好滿足。