Food Garden ETC (已結業)

Food Garden ETC行市集前嚟咗呢間好有田園風味嘅西餐廳，餐廳勁多打卡位，周圍好似入咗花園咁，好有遠離煩囂嘅感覺。🌻🌷⚘🌺🌹我同朋友分別叫咗兩個lunch set，一個千層蛋糕，再加松露醬薯條！😊1. 美國肉眼扒配田園蔬菜 跟沙律+鮮果冰茶$208（8/10）店員好好會問你個扒想要幾成熟，分別有5成/7成或全熟揀，我就揀咗7成熟。 牛扒有8安士，切開粉嫩，有牛肉味，可惜硬咗少少，下次我會揀五成熟！2. 蒜香蟹肉大蝦意粉 跟餐湯+鮮果冰$168（8/10）蟹肉份量算多，係一舊舊，好鮮好有蟹味。大蝦勁爽口，大約有3-5隻。意粉有少少硬， 如果煮耐少少更完美。是日餐湯係京蔥牛油果忌廉湯！3.松露醬薯條$48（9/10）薯條又粗又大條，黑松露醬好香，份量堅多，食完一條又一條，外脆內軟，食完真係會上癮，超正！4.精選蛋糕-雲呢拿千層蛋糕$48（7/10）本來想叫朱古力心太軟，可惜今日無貨送到，唯有叫雲呢拿千層蛋糕！最後值得一讚係餐廳用米做嘅吸管，好有環保意識，飲完野如果唔夠飽可以食哂枝吸管落肚！🤣🤣🤣2人總共價錢$519，有加一服務費！個人口味總評分：8/10@foodgarden_h