正宗文記小食車仔麵

營業中

休息中

之前有一晚路過呢間小食店見到有個雪櫃擺咗一盒盒嘅咖喱魷魚，好奇心驅使之下去幫襯咗，結果一試難忘！之後每次來到觀塘，我都特意繞路來到呢度買盒咖喱魷魚來食。今日中午再次路過，午飯都未食，就已經掛住盒魷魚。可能因為正值係午饍時間，我一來到見到間舖主要做緊外賣車仔麵生意，未見另外有雪櫃係賣咖喱魷魚，又唔見menu有。我硬住頭皮問有冇咖喱魷魚，好彩店員話有！之後店員喺汽水雪櫃底嘅深處掏出一盒咖喱魷魚。雖然我叫咗份細盒($27)的，但份量都足夠一至兩個人食了。我最深刻係佢個醬汁，夠辣，少少嗆喉，惹味，另外呢個魷魚係凍食的，土魷好滑冇筋，冇乜鹼水味，我相信係用醬汁放入雪櫃醃咗一段時間先會咁入味。唔知係咪出水，我略嫌個汁稀咗啲，如果可以稠返啲同掛汁啲就perfect了。雖然佢個名叫「秘製辣魷魚」，但我覺得佢好食過好多出名嘅車仔麵店嘅「玻璃魷魚」好多！😋我食過咁多間車仔麵，呢間嘅「玻璃魷魚」係我暫時食過咁多間之中最好食的！