泰味泰國餐廳

營業中

休息中

位於荃威花園，有間隱世嘅泰國菜。 今日去探朋友，朋友帶我嚟試試。餐廳由幾位泰國人主理，裝修平實，好有泰國風味，好正宗。呢間舖頭長期爆棚，深受街坊歡迎！1）泰鹵拼（大）-好大碟，有豬手、豬紅、豆腐、蛋等，煮得好入味，四個人分啱啱好2）馳名無骨海南雞（半隻）-雞肉好嫩滑，唔油膩，點上特製醬汁，好夾3）蒜容炒芥蘭-味道好清新，顏色好靚，蒜蓉炒起嚟好香4）新鮮猪肉碎生菜包-豬肉炒得好乾身，味道酸may may，配上生菜，食過唔停5）蒸鱸魚-用熱鍋上，鱸魚蒸得啱啱好，好滑，配上唔同嘅配料例如肉碎、香菇，好惹味！6）原隻椰青沙冰-上枱時好驚喜,椰青好大個,沙冰好解暑，食完好滿足！