BB辣

營業中

休息中

同🐢蜜去香工行街買衫，行到累想搵個地方食埋晚飯！點知香工地下開左間川菜館見到招牌幾過癮叫BB辣，即刻落去睇下！🐢蜜話要試咁就入去坐啦！估唔到環境乾淨企理，同其他工廠食店唔同，餐牌都幾多野食！我地叫個招牌2人餐，鍋都有4走選，選左個酸菜魚小辣，泡椒肥腸，清炒萵荀片，加多個尖椒皮蛋😍😍酸菜魚上枱估唔到有咁大鍋香噴噴，面鋪滿魚片，底係寬粉，魚片無骨又滑、略嫌寬粉可以多d！泡椒肥腸有特色，豆瓣醬好香濃，肥腸厚身大塊，咬落去好有口感！🐢蜜對皮蛋好驚，佢唔係用普通皮蛋、用金皮蛋即係蛋係透明！味道仲清爽！估唔到工廈都有好味川菜，下次行完街再食過