川燒 (已結業)

今日又出動搵好嘢食。前排都去咗唔少居酒屋，今次就搵呢一間喺佐敦同柯士甸中間嘅川菜crossover日本菜嘅隱世小店《川燒》🥳🥳佢哋舖頭唔算大，但裝修都好有居酒屋特色，好彩今次黎之前有book枱，坐低之後睇佢哋餐牌好多唔同嘅選擇，有選擇困難症嘅朋友要小心，因為太多嘢都想食難揀😂我哋首先揀咗個川香海蜇頭玩青瓜，啲麻辣海蜇同青瓜好入味，令到胃口開晒。之後我哋點咗唔同款嘅串燒，特級厚切牛脷，燒得啱啱火候，外脆內軟，值得推介。另外一定要試嘅係燒法式鵝肝蝦多士，熱辣辣嘅鵝肝入口即溶，鵝油嘴裏便真係好香。另外點少得叫啲燒海鮮，我哋嗌咗燒大元貝同埋燒蒜蓉大虎蝦。元貝同埋虎蝦爽口彈牙，蒜蓉好入味😍另外叫咗個日本蟹肉炒飯，佢哋用咗日本嘅蟹肉炒到D飯一粒粒，聞到已經香噴噴，真係忍唔住食咗兩碗😝最後嗌咗個日本蘋果雪葩，佢真係成個蘋果裏面裝住上，雪葩蘋果味好濃郁同埋好滑，搞到Miyuu唔捨得走話第二日都要再嚟。最後個老闆見我哋食完仲問我哋使唔使要杯茶，問吓邊啲菜要改善，我哋同佢講樣樣都好好食😂😂