味道樂居酒屋 (元州街) (已結業)

琴日放工想放鬆吓，就搵吓公司附近有咩好嘢食，就搵咗呢一間喺長沙灣叫味道樂居酒屋，裝修環境都好日式，加上播日文歌，好似返返日本咁🥳🥳去居酒屋第一時間就睇吓有咩清酒飲，就揀咗呢支京都匠大吟釀，容易入口。之後開始嗌嘢食，佢哋係電子落單好方便，我哋嗌咗珍寶帶子火焰壽司同蟹膏壽司，帶子真係好大粒同好新鮮一啖都差啲食唔晒🤤蟹膏壽司啲蟹膏爆曬出嚟，蟹膏味好濃，鍾意蟹膏嘅一定要試🥰🥰另外嗌咗吉列蝦陪芥末沙律醬同埋池魚仔，全部都係即買，即做上枱嘅時候仲熱辣辣，攞嚟餸sake一流。另外再食咗鐵板野菌炒牛柳粒，牛柳粒炒得好入味，份量啱啱好。最後差唔多食咗兩個鐘先走，環境都唔算太迫，下次可以再encore🥳🥳#長沙灣美食 #居酒屋 #日本嘢 #hkfoodie