影片
更多
2024-05-23
20 瀏覽
我朋友一家人係住喺Yoho，所以其實我都幾經常嚟到元朗，佢同我講樓下有一條平民食街，今次行到去街尾發現有一間新開嘅韓式餐廳，其實如果唔係有人帶路都幾難搵。Lunch set可以揀梨汁或者甜米露，米露萬歲🙌🏻 廚師全部都係韓國人，呢度嘅所有小菜都有佢哋自己親身製作，我鍾意佢哋嘅韓國海帶、蛋捲、白蘿蔔、魚糕等等，好多款小菜，全部冇加味精，追求高質素同埋美味，其實真係好適合啲無飯家庭，如果唔係自己煮，日日出街食嘅話，會有好多味精，但係呢度因為冇加味精嘅關係，你唔會覺得啲嘢太過鹹！佢會用好多洋蔥之類嘅食材去幫手調味。炸雞🍗會食得到真係即叫即炸，熱辣辣嘅脆皮下面嘅雞仲係有好多汁，冇加味精，所以當你食到兩三舊嘅時候，你都唔會覺得太過鹹，而牛骨湯你係會飲到係煲咗好耐嘅，非常之濃味，亦帶有一種牛骨嘅鮮甜。炸醬面真係食到少少東大門嘅味道，因為東大門有一間好出名嘅中華餐廳，佢哋嘅炸醬麵好出名，要排隊食，就係呢種感覺喇，炸醬麵如果係食一啲有味精嘅，你係會食幾啖，已經會好膩，因為佢實在太濃味，呢度你係會好似拍Running Man咁可以大啖大啖咁吸入口都得！啲嘢好味🤤 唔係街坊都唔識搵嚟呢度食，裝修都新正，開
Lunch set可以揀梨汁或者甜米露，米露萬歲🙌🏻 廚師全部都係韓國人，呢度嘅所有小菜都有佢哋自己親身製作，我鍾意佢哋嘅韓國海帶、蛋捲、白蘿蔔、魚糕等等，好多款小菜，全部冇加味精，追求高質素同埋美味，其實真係好適合啲無飯家庭，如果唔係自己煮，日日出街食嘅話，會有好多味精，但係呢度因為冇加味精嘅關係，你唔會覺得啲嘢太過鹹！佢會用好多洋蔥之類嘅食材去幫手調味。
炸雞🍗會食得到真係即叫即炸，熱辣辣嘅脆皮下面嘅雞仲係有好多汁，冇加味精，所以當你食到兩三舊嘅時候，你都唔會覺得太過鹹，而牛骨湯你係會飲到係煲咗好耐嘅，非常之濃味，亦帶有一種牛骨嘅鮮甜。炸醬面真係食到少少東大門嘅味道，因為東大門有一間好出名嘅中華餐廳，佢哋嘅炸醬麵好出名，要排隊食，就係呢種感覺喇，炸醬麵如果係食一啲有味精嘅，你係會食幾啖，已經會好膩，因為佢實在太濃味，呢度你係會好似拍Running Man咁可以大啖大啖咁吸入口都得！
啲嘢好味🤤 唔係街坊都唔識搵嚟呢度食，裝修都新正，開業唔夠半年，希望佢長做長有啦！老闆娘啲廣東話太好，唔講唔知原來佢係韓國人嚟㗎，佢都幾熱情，街坊有機會可以同佢傾多啲偈☺️
期待遲啲新menu!!
張貼
