津津茶餐廳

營業中

休息中

老老實實，如果唔係有識途老馬，真係唔會知呢間原來係寶；講真，如果無人介紹我真係唔會入呢間咁嘅茶餐廳，就算入去，都肯定唔會叫佢個鹽焗雞。呢間野，必食鹽焗雞，次選蝦仁炒蛋同咕嚕肉，三選凍奶茶。鹽焗雞其實唔係好鹽焗，不過又真係堅好味，雞肉嫩滑，好香雞味，而且仲份量十足，仲會連埋雞什，認真難得，真係一試難忘；蝦仁炒蛋嘅蛋都夠嫩，蝦就中規中矩，好食；咕嚕肉嘅粉漿唔太厚，以茶餐廳黎講真係有驚喜；最後就係杯凍奶茶，奶同茶嘅份量好Balance，真係要呢d舊式茶餐廳先做得到。