丼撈duck (已結業)

今日行到觀塘日升中心又差唔多時間食lunch了，行咗一轉見有間好似無點見過應該係新開，咁啱又有位坐咁就試下了，個餐牌都好豐富，唔係咁容易揀，最後點咗個餐同小食都比想像正。👀鋤燒牛肉便當啲飯份量啱啱好，另有伴菜粟米同紅蘿蔔絲，牛上面連醬食落口感覺好豐富，同平時食嗰啲有好大分別，伴菜都好食，基本上成個食晒😂小食我點咗南蠻炸🐔呢個同我預期都有啲分別，食落又幾好食，主要係個醬，不過真係要快食，有幾舊遲咗食凍咗就比起啱開始嗰幾舊有分別。而且份量都好夠，起碼有7件以上。飲品我點咗百香果蜜呢杯野聽老世講係自己整嘅，同埋推薦呢款所以就試下，會比較解渴，味道都幾啱我。酸酸甜甜咁樣，未試過呢隻味。下次會再嚟試下其他。