今日係星期２，順便買多個白汁芝士焗雞皇飯（炒飯底！
比錢２分鐘就即刻有貨拎～加５蚊有湯，凍飲加７蚊～供應去到９點半～
後尾好多YOUTUBER有介紹20蚊焗飯,所以本身都驚買唔到~
老闆話生意有少少起色,好彩有大家支持~係呢個七月八月,足足有45天都無晚市
只做外賣真係圍唔到皮,下次重開晚市一定支持試下堂食ＰＩＺＺＡ！
講返個焗飯先～ＫＥＥＰ到水準！水準如一，都係焗得香，濃郁既番茄醬汁，加上芝士焗香
切片豬扒，炒飯底，份量十足，大食皇都食得飽！
另外試埋白汁焗飯，白汁有青椒粒，芝士，雞肉粒，份量同樣十足！
汁唔會過多，外賣返到黎食，飯仍然夠乾身，真心好抵食！
1
1
