影片
更多
2006-07-29
38 瀏覽
日前好幾個新聞組,同一個網民在各大新聞組食版,向各版友推介大家樂之最新香蕉船鐵板餐\,我們眾網友看到這位網民之相片後,存在半信半疑之態度.因此曾經為此問題,在某個人谷上演"六國大封相".此名網民成為眾矢知的.靜下來細心想,如果本身未食過的話,就真係未必有資格去批判.我們為求追尋事實真相,不惜抱磚引玉,聯成一隊十幾人之游擊小隊,向大家樂進發.繼大久保一役之後,再一次作苦行僧.今次狙擊目標,當然係香蕉船鐵板餐,鐵價不二,總司令一聲令下,食第樣都唔得.七點九來到狙擊據點,已見一眾游擊隊成員已在紮營,十幾個人一起去大記,都咪話唔壯觀,之前仲好天真諗過(有無得Book位架呢?)有些有心戰友,一早print定之前某網民在newsgroup post的圖文並茂食評出來,誠為是夜之功\略本.有時打RPG game,都要用攻略才能成事,更何妨今次係打戰爭game?屈指一算,就算無十年在大記堂食加外賣,應該咁講,我上一次去大記cashier比錢,係用英女皇頭硬幣找數的.闊別多年,自然有所"期待".結果在Cashier囉左飛,係仲要去Counter擺低張票的.仲諗住十年來的科技維新,能夠比左錢就搵個位"食住
靜下來細心想,如果本身未食過的話,就真係未必有資格去批判.我們為求追尋事實真相,不惜抱磚引玉,聯成一隊十幾人之游擊小隊,向大家樂進發.繼大久保一役之後,再一次作苦行僧.
今次狙擊目標,當然係香蕉船鐵板餐,鐵價不二,總司令一聲令下,食第樣都唔得.
七點九來到狙擊據點,已見一眾游擊隊成員已在紮營,十幾個人一起去大記,都咪話唔壯觀,之前仲好天真諗過(有無得Book位架呢?)
有些有心戰友,一早print定之前某網民在newsgroup post的圖文並茂食評出來,誠為是夜之功\略本.有時打RPG game,都要用攻略才能成事,更何妨今次係打戰爭game?
屈指一算,就算無十年在大記堂食加外賣,應該咁講,我上一次去大記cashier比錢,係用英女皇頭硬幣找數的.闊別多年,自然有所"期待".結果在Cashier囉左飛,係仲要去Counter擺低張票的.仲諗住十年來的科技維新,能夠比左錢就搵個位"食住花生等睇戲".連總司令都話你真係好耐未黎過.....)
言歸正轉,鐵板餐有幾味你揀,跟風就要跟到底,來個香草牛油西冷扒吧.搭酥皮粟米海鮮湯,飲品,不必了.話就話食神推介楊枝甘露,心諗食牛扒,應該搭紅酒才匹配.)諗諗下,恐怕這個三不像之配搭,會吃到肚痛.
走到去Counter,真係好有衝動問個姐姐塊扒唔該要五成熟丫唔該.)諗諗下,都係制唔過,又係同之前原因一樣,驚肚痛.
不消一會,Counter的姐姐叫正我Number之聲音,彷如"死神"的呼喚.(乘客XXX,請盡快到天國列車櫃位,辦理登車手續.)
上桌,同塊外層烤到似雞皮的西冷扒凝望數秒,你眼望我眼,中間dead air,抬頭與坐對面的男性戰友對望,相對無言,暗裏歎一聲,無語問蒼天.心裏自責死喇,呢鑊玩大左,點算?)環境,加上其他外圍因素形成,似係共晉死仕最後之晚餐.
見到塊咁樣的西冷扒,真係無從入手,唯有參考功\略本.得知應該係淋左汁先搽牛油.好,將汁淋下,如果係鐵板餐的話,理應"沙沙"聲,不幸地,我同坐對面的男戰友果個,淋左都無厘神氣.其他隊員的鐵板扒,一到汁,即刻會有亢奮回應,果一刻,無可奈可,打趣道唉,我邊夠你地咁靚仔丫.)
洗濕左個頭,唯有頂硬上,香草牛油無香草味,搽極都唔溶,周邊的雜菜,猶如敗瓦,先吃番茄,丁點番茄的甜味都無.其他雜草,臭青味依舊存在,任其個黑椒汁陣味點搶,也不能阻止其自暴其短.
終於埋到塊西冷扒身,切開少少,睇到內裏色水,擺明十二成熟,一些牛扒應有的質感,血水,肉汁,色水也沒有.如果稱其為牛扒,我覺得稱之為人造加工牛扒會貼切一點.入口味如嚼蠟,肉質乾過牛肉乾,任由你搽香草味牛油去潤滑,入口也是一件極痛之事情.回想月前在五粒星扒房之澳洲牛,感受更深.小朋友看世界,天真無邪地諗Daddy,大家都係牛扒,點解會差咁遠?)
很不容易幹調塊扒,向個酥皮粟米海鮮湯推進,外面層酥皮,記得少年時代未嘗此味,覺得新奇刺激又好玩,十年前馬里奧尚健在之時,每一次去也要來個酥皮湯才能對得住自己.
打開酥皮,搞下個湯,下?乜有蟹柳都叫海鮮呀?)對面戰友補充有魚肉架.)結果,都搵到一兩小舊,淺嘗一口,真係忍唔要.......粟米味假到得人驚,照睇應該係午市賣剩的粟米肉粒飯的汁膽.蟹柳無謂講,魚肉意料中事,唔新鮮.上周在Sabatini喝過低水位的粟米湯,相比之下依然可愛好多.
最後的焗薯仔,呢味真係好難整得難食.大記能人所不能,夠膽張舊薯仔焗到仲諗過湯丸!絕對無期望係咩野Idaho貨色,只求同Super Sandwich差不多便收貨,一嘗面頭之酸忌廉,即刻三連發!酸咩?唔酸,仲臭臭地.
歡樂今宵之香蕉船,賣相同網民之相片好大出入,點解無夾餅?好,算,當一放條蕉入口,唔係嘛?條蕉彷佛比雙氧水醃過,雪糕,都叫食得過,反正唔係homemade.
一間量產型快餐店,水準如此參差,但味道,真係如此一致,在撇除任何成見外,呢個扒餐,真係難吃得無話可說.吃罷之後,可以大條道理.
每個人價值觀也不盡同,有些人食扒會覺得係享受,亦有些人但求填肚.但希望大家明白,你付出幾多,就會收番幾多.點計這個餐,$20都唔值.寧願拿相等價錢,去吃個很有水準的腩河,雲吞麵,魚蛋粉etc.絕非咩野等價交換之問題,唔好食就唔好食.(比得呢個價,預左係咁架啦!)明知預左係咁,咁你地仲去?唔去,仲省錢.與其光顧六,七次大記鐵板餐,倒不如將呢六七次慳下來的大約三百銀,到老銅極速假日酒店的W's Entrecote來個入門級套餐吧.包你一餐頂足你之前果六七餐.再進一步,才諗Steakhouse或Morton,s吧.
雖然今夜吃的食物差得無話可說,不過氣氛非常高漲,席上十多人,人人一個扒餐,構成一副爆笑之場面,食完之後無奈之表情,一一化成為笑聲.其他戰友問意見,三個卮唔好吃.)已經形成一個笑話.
見到後面有人自攜啤酒食扒餐,我不知道去大記自攜紅酒會否收Cockage?)有女戰友吃罷扒餐後似乎不能釋懷,拿住個香蕉船coupon舉旗不定.我你唔食的話,一係留番聽日囉住將coupon再黎過,一係放上Yahoo拍賣場放出去,我諗$5都值.不過千祈唔好叫人落Bid!否則連手續費都蝕埋.)再惹來大笑!總之,吃得非常盡慶.正所謂獨樂樂,不如眾樂樂.)在這夜完全接收.本來準備事後去悼念我銀包果$39,觥籌交錯之間,已經忘得一乾二淨.
此時此刻,此刻無價.學總司令話齋開心,就是如此簡單.)
張貼
