茶木‧台式休閒餐廳 (屯門市廣場1期)

營業中

休息中

難得同朋友係屯門市中心行下街睇下嘢，拎到一袋二袋，想搵個舒服嘅地方食嘢，不如就茶木啦。好，坐低睇吓有咩好食先。古早紅燒牛肉拌麵，個拌麵辣辣地，麵條又煙韌，牛肉望落好大件，但一咬就鬆，炆得好腍。古早味羊肉爐，冬天食羊腩就最正，成煲上枱一路滾住，羊要有少少羶味先好食。脆脆黑糖瀑布珍珠奶茶，好邪惡呀，杯邊仲要佈滿焦糖脆脆，上面有個奶蓋，珍珠都彈牙。青蘋果酪梨蜜糖磚塊，本來諗住點個甜品，原來好浮誇，非常大份，四個人都夠食，除左有雪糕，中間夾住牛油果，蜜糖多士可以點雪糕或者點青蘋果忌廉一齊食。