牛精皇 (已結業)

我同老婆都好耐冇去過九龍城食野喇，今日開始天氣涼涼地，好想搵間打邊爐試下。見到有間叫牛精皇，應該有不同既牛食掛，於是去睇佢既餐牌睇下先，原來呢間食店大部份餐牌用電子化，直接係ipad 睇完再同職員講落單。入到去睇原來都有海鮮刺身添。於是二話不說入去坐底睇下佢呢野好唔好食，入到去第一時間睇下有咩湯底，原來都有好多款，店員今日推介【豆腐鮮魚湯】，今日原條沙巴仔非常新鮮同都算大條，咁就去試下喇。【豆腐鮮魚湯】-原條沙巴仔一來到見到奶白色湯底，條魚真係都大條，店員同我們說等豆腐湯滾咗之後再落條魚落去煮，煮約10分鐘再撈起仲魚可以食，湯底好重魚香味，十分鮮甜，值得推介。【刺身拼盤-細】裡面有(海膽：)海膽份量好多，入口軟滑，味道香濃，最重係沒有怪味，唔錯。 (帶子：)非常厚肉，肉質嫩滑，味道清淡甘甜。(牡丹蝦：肥美爽滑)。北寄貝、螺。一試難忘!!【花竹蝦】花竹蝦有成七寸長咁大，非常之生猛，蝦頭內非常多膏，肉又非常彈牙。【本地手切肥牛-頸脊】食咁多肥牛之中最鍾意食頸脊位置，花紋又靚，最重要係牛味又不會太濃、又不會過"鞋"，但放在口裡軟淋得來有咬口。唔錯!!