荳子 (新都會廣場)

營業中

休息中

啱啱打完個牙樁，麻醉藥又未過，反正順路，逛吓N耐無去過嘅葵廣，趁啲人放飯前諗吓食咩午餐，太多選擇，遊嚟遊去⋯⋯最後都係揀咗食過多次嘅荳子。京式烤鴨饅頭漢堡，之前都食過，沙律菜個樣殘殘哋，唔太新鮮，鴨肉份量多，但醬汁俾包索哂，搞到鴨無乜味，鴨肉還可以，未至於好柴口，薯條熱辣辣兼夠脆，好味。本來都知好夠飽，但見到奧樂蜜C聯乘荳子出蛋糕，蒟蒻配菠蘿海鹽慕斯蛋糕，好似好特別，味道係有菠蘿香味，但就唔覺有海鹽味，就算焦糖餅底都唔會好甜，但講真無特別，試過就算。即場做埋會員，蛋糕免費。