入到去當然要食海鮮，有龍蝦、龍蝦鉗、雪場蟹腳、阿拉斯加蟹、柚子鮑魚。龍蝦好多膏，好易拉哂成條肉食。另外阿拉斯加蟹都切開左，好方便食，有好多肉，而且有鮮味！
片皮鴨都推介，每次有鴨出爐，都好多人排隊拎，師傅會將肉同皮分別切出嚟，再拼返好比我地，熱辣辣食個皮仲有少少脆！可惜怕太飽，只夠膽食2件，留肚食其他！
有一個西式美食既corner野食不錯，有即燒惹味粟米、香檸牛油汁焗龍脷魚柳、免治豬肉乾果批、聖誕火雞等特色菜！
1
肉類方面有豬肋條、牛扒、燒雞、羊扒等，款式齊全。
湯方面，除左一般中西滾湯，仲有是日燉湯「蟲草花圓肉燉唐排」，有螺頭、紅棗等材料，足料又好味。
飲品方面都有好多選擇，例如果汁、咖啡、檸茶、奶茶等，而我最鍾意呢杯Cappuccino ！
甜品方面大約有10多款，個人覺得最好食系千層酥！
